Laxmi maa mantra
श्रीलक्ष्म्याः स्तोत्राणि लक्ष्म्या ध्यानम् ॥
सहस्त्रदलपास्य कर्णिकावासिनी पराम् ।
शरत्पार्वणकोटीन्दुप्रभाजुष्टवराम्बराम् स्वतेजसा।
प्रज्वलन्ती सुखदृश्यां मनोहराम् ।
प्रतप्तकाञ्चननिभा शोभां मूर्तिमती सतीम् ।।
रत्नभूषणभूषाढ्यां शोभिता पीतवाससा ।
ईषद्धास्यप्रसन्नास्यां शश्वत्सुस्थिरयौवनाम् ॥
सर्वसम्पत्प्रदात्री च महालक्ष्मी भजे शुभाम् । ( प्रकृतिखण्ड ३ )
लक्ष्म्या मन्त्रः
लक्ष्मीर्मायाकामवाणी ततः कमलवासिनी ।
स्वाहान्तो वैदिको मन्त्रराजोऽयं द्वादशाक्षरः ॥
कुबेरोऽनेन मन्त्रेण सर्वैश्वर्यमवाप्तवान् ।
राजराजेश्वरो दक्षः सावर्णिमनुरेव च ॥
मङ्गलोऽनेन मन्त्रेण सप्तद्वीपवतीपतिः ।
प्रियव्रतोत्तानपादौ केदारो नृप एव च ॥
एते च सिद्धा राजेन्द्रा मन्त्रेणानेन नारद । ( प्रकृतिखण्ड ३ ९ ॥)
इन्द्रकृतं लक्ष्मीस्तोत्रम् परा ॥
इन्द्र उवाच
ॐ नमो महालक्ष्य ।
ॐ नमः कमलवासिन्यै नारायण्यै नमो नमः ।
कृष्णप्रियायै सारायै पद्यायै च नमो नमः ॥
पापत्रेक्षणायै च पास्यायै नमो नमः ।
पद्मासनायै पग्रिन्यै वैष्णव्यै च नमो नमः ॥
सर्वसम्पत्स्वरूपायै सर्वदात्र्यै नमो नमः ।
सुखदायै मोक्षदाय सिद्धिदायै नमो नमः ॥
हरिभक्तिप्रदायै च हर्षदात्र्यै नमो नमः ।
कृष्णवक्षःस्थितायै च कृष्णेशायै नमो नमः ॥
कृष्णशोभास्वरूपायै रत्नपये च शोभने ।
सम्पत्त्यधिष्ठातृदेव्यै महादेव्यै नमो नमः ॥
शस्याधिष्ठातृदेव्यै च शस्यायै च नमो नमः ।
नमो बुद्धिस्वरूपायै बुद्धिदायै नमो नमः ॥
वैकुण्ठे या महालक्ष्मीर्लक्ष्मीः क्षीरोदसागरे ।
स्वर्गलक्ष्मीरिन्द्रगेहे राजलक्ष्मी पालये ॥
गृहलक्ष्मीश्च गृहिणां गेहे च गृहदेवता ।
सुरभी गवां माता दक्षिणा यज्ञकामिनी ॥
अदितिर्देवमाता त्वं कमला कमलालये ।
स्वाहा त्वं च हविदर्दाने कव्यदाने स्वधा स्मृता ॥
त्वं हि विष्णुस्वरूपा च सर्वाधारा वसुन्धरा ।
शुद्धसत्त्वस्वरूपा त्वं नारायणपरायणा ॥
क्रोधहिंसावर्जिता च वरदा च शुभानना ।
परमार्थप्रदा त्वं च हरिदास्यप्रदा यया विना जगत् सर्व भस्मीभूतमसारकम् ।
जीवन्मृतं च विश्वं च शवतुल्यं यया विना ॥
सर्वेषां च परा त्वं हि सर्वबान्धवरूपिणी ।
यया विना न सम्भाष्यो बान्धवैर्बान्धवः सदा ॥
त्वया हीनो बन्धुहीनस्त्वया युक्तः सबान्धवः ।
धर्मार्थकाममोक्षाणां त्वं च कारणरूपिणी ॥
यथा माता स्तनन्धानां शिशूनां शैशवे सदा ।
तथा त्वं सर्वदा माता सर्वेषां सर्वरूपतः ॥
मातहीनः स्तनत्यक्तः स चेजीवति देवतः ।
त्वया हीनो जनः कोऽपि न जीवत्येव निश्चितम् ॥
सुप्रसन्नस्वरूपा त्वं मां प्रसन्ना भवाम्बिके ।
वैरिग्रस्तं च विषयं देहि मह्यं सनातनि ॥
वयं यावत् त्वया हीना बन्धुहीनाच भिक्षुकाः ।
सर्वसम्पद्विहीनाश्च तावदेव हरिप्रिये ॥
राज्यं देहि श्रियं देहि बलं देहि सुरेश्वरि ।
कीर्ति देहि धनं देहि यशो मह्यं च देहि वै ॥
कामं देहि मतिं देहि भोगान् देहि हरिप्रिये ।
ज्ञानं देहि च धर्म च सर्वसौभाग्यमीप्सितम् ॥
प्रभावं च प्रतापं च सर्वाधिकारमेव च ।
जयं पराक्रमं युद्धे परमैश्चर्यमेव च ॥
इत्युक्त्वा च महेन्द्रश्च सर्वैः सुरगणैः सह ।
प्रणनाम साश्रुनेत्रो मूर्धा चैव पुनः पुनः ।।
ब्रह्मा च शंकरश्चैव शेषो धर्मश्च केशवः ।
सर्वे चक्रुः परीहारं सुरार्थे च पुनः पुनः ॥
देवेभ्यश्च वर दत्त्वा पुष्पमाला मनोहराम् ।
केशवाय ददी लक्ष्मीः संतुष्टा सुरसंसदि ।
ययुर्देवाश्च संतुष्टाः स्वं स्वं स्थानं च नारद ।
देवी ययौ हरेः क्रोडं इष्टा क्षीरोदशायिनः ॥
ययतुश्चैव स्वगृहं ब्रह्मेशानौ च नारद ।
दत्त्वा शुभाशिषं तौ च देवेभ्यः प्रीतिपूर्वकम् ॥
इदं स्तोत्रं महापुण्यं त्रिसंध्यं यः पठेन्नरः ।
कुबेरतुल्यः स भवेद् राजराजेश्वरी महान् ॥
सिद्धस्तोत्रं यदि पठेत् सोऽपि कल्पतरुर्नरः ।
पञ्चलक्षजपेनैव स्तोत्रसिद्धिर्भवेन्नृणाम् ॥
सिद्धिस्तोत्रं यदि पठेन्मासमेकं च संयतः ।
महासुखी च राजेन्द्रो भविष्यति न संशयः ॥
इति श्रीब्रह्मवैवर्ते ध्यानमन्त्रसहितमिन्द्रकृतं लक्ष्मीस्तोत्रं सम्पूर्णम् ।
( प्रकृतिखण्ड ३ ९।५१-७९ )
लक्ष्म्याः स्तोत्रम्
नारायण उवाच देवि त्वां स्तोतुमिच्छामि न क्षमाः स्तोतुमीश्वराः । बुद्धेरगोचरा सूक्ष्मा तेजोरूपां सनातनीम् ॥
अत्यनिर्वचनीयां च को वा निर्वतुमीश्वरः ॥
स्वेच्छामयीं निराकारां भक्तानुग्रहविग्रहाम् ।
स्तौमि वाङ्मनसोः पारां किं वाहं जगदम्बिके ।
परां चतुर्णा वेदानां पारबीजं भवार्णवे ।
सर्वशस्याधिदेवीं च सर्वासामपि सम्पदाम् ॥
योगिनां चैव योगानां ज्ञानानां ज्ञानिनां तथा ।
वेदानां च वेदविदा जननीं वर्णयामि किम् ।।
यया विना जगत् सर्वमवस्तु निष्कलं ध्रुवम् ।
यथा स्तनान्धबालानां विना मात्रासुखं भवेत् ॥
प्रसीद जगतां माता रक्षास्मानतिकातरान् ।
वयं त्वच्चरणाम्भोजे प्रपन्नाः शरणं गताः ।।
नमः शक्तिस्वरूपायै जगन्मात्रे नमो नमः ।
ज्ञानदायै बुद्धिदायै सर्वदायै नमो नमः ॥
हरिभक्तिप्रदायिन्यै मुक्तिदायै नमो नमः ।
सर्वज्ञायै सर्वदायै महालक्ष्म्यै नमो नमः ॥
कुपुत्राः कुत्रचित् सन्ति न कुत्रचित् कुमातरः ।
कुत्र माता पुत्रदोषे तं विहाय च गच्छति ॥
हे मातदर्शनं देहि स्तनाधान् बालकानिव ।
कृपां कुरु कृपासिन्धुप्रियेऽस्मान् भक्तवत्सले ॥
इत्येवं कथितं वत्स पायाश्च शुभावहम् ।
सुखदं मोक्षदं सारं शुभदं सम्पदः पदम् ॥
इदं स्तोत्रं महापुण्यं पूजाकाले च यः पठेत् ।
महालक्ष्मीहं तस्य न जहाति कदाचन ।।
च तत्रैवान्तरधीयत ।
देवो जगाम क्षीरोदं सुरैः सार्थ तदाजया ।
इति श्रीब्रह्मवैवर्ते मन्त्रध्यानसहितं लक्ष्म्याः स्तोत्रं सम्पूर्णम् ।
महालक्ष्या मन्त्रो ध्यानं च
महालक्ष्म्याश्च मन्त्रं च शृणु तं कथयामि ते ।
ॐ श्रीं कमलवासिन्यै स्वाहेति परमाद्भुतम् ।
ध्यानं च सामवेदोक्तं शृणु पूजाविधि मुने ।
दत्तं तस्मै कुमारेण पुष्कराक्षाय धीमते ॥
सहस्त्रदलपद्यस्था पद्मनाभप्रियां सतीम् ।
पद्यालयां पंचवक्त्रां परापत्राभलोचनाम् ॥
पद्यपुष्पप्रियां पद्मपुष्यतल्पविशायिनीम् ।
पद्मिनी पद्महस्तां . च पद्ममालाविभूषिताम् ।।
पद्मभूषणभूषाढ्यां पद्मशोभाविवर्धिनीम् ।
पकाननं पश्यन्ती सस्मितां तां भजे मुदा ॥
इति श्रीब्रह्मवैवर्त मन्त्रसहितं महालक्ष्म्या ध्यानं सम्पूर्णम् ।
महालक्ष्मीकवचम्
नारायण उवाच
सर्वसम्पत्प्रदस्यास्य कवचस्य प्रजापतिः ।
ऋषिश्छन्दश्च बृहती देवी पद्यालया स्वयम् ॥
धर्मार्थकाममोक्षेषु विनियोगः प्रकीर्तितः ।
पुण्यबीजं च महतां कवचं परमाद्भुतम् ॥
ॐ ह्रीं कमलवासिन्यै स्वाहा मे पातु मस्तकम् ।
श्रीं मे पातु कपालं च लोचने श्रीं श्रियै नमः ॥
ॐ श्रीं श्रियै स्वाहेति च कर्णयुग्मं सदावतु ।
ॐ श्रीं ह्रीं क्लीं महालक्ष्म्यै स्वाहा मे पातु नासिकाम् ॥
ॐ श्रीं पद्यालयायै च स्वाहा दन्तं सदावतु ।
ॐ श्री कृष्णप्रियायै च दन्तरन्धं सदावतु ॥
ॐ श्री नारायणेशाय मम कण्ठं सदावतु ।
ॐ श्रीं केशवकान्तायै मम स्कन्धं सदावतु ।।
ॐ श्रीं पद्यनिवासिन्यै स्वाहा नाभिं सदावतु ।
ॐ ह्रीं श्रीं संसारमात्रे मम वक्षः सदावतु ॥
ॐ श्रीं श्रीं कृष्णकान्तायै स्वाहा पृष्ठं सदावतु ।
ॐ ह्रीं श्रीं श्रियै स्वाहा मम हस्तौ सदावतु ।।
ॐ श्री निवासकान्तायै मम पादौ सदावतु ।
ॐ ह्रीं श्रीं क्लीं श्रियै स्वाहा सर्वाङ्गं मे सदावतु ।।
प्राच्यां पातु महालक्ष्मीराग्नेय्यां कमलालया ।
पद्मा मां दक्षिणे पातु नैऋत्यां श्रीहरिप्रिया ।
पद्मालया पश्चिमे मां वायव्यां पातु श्री : स्वयम् ।
उत्तरे कमला पातु ऐशान्यां सिन्धुकन्यका ॥
नारायणेशी पातूर्ध्वमधो विष्णुप्रियावतु ।
संततं सर्वतः पातु विष्णुप्राणाधिका मम ।।
इति ते कथितं वत्स सर्वमन्त्रौघविग्रहम् ।
सर्वैश्वर्यप्रदं नाम कवचं परमाद्भुतम् ॥
सुवर्णपर्वत दत्त्वा मेरुतुल्यं द्विजातये ।
यत् फलं लभते धर्मी कवचेन ततोऽधिकम् ।।
गुरुमभ्यर्च्य विधिवत् कवचं धारयेत् तु यः ।
कण्ठे वा दक्षिणे बाहौ स श्रीमान् प्रतिजन्मनि ॥
अस्ति लक्ष्मीगृह तस्य निश्चला शतपूरुषम् ।
देवेन्द्रश्चासुरेन्द्रश्च सोऽवभ्यो निश्चितं भवेत् ।।
स सर्वपुण्यवान् श्रीमान् सर्वयज्ञेषु दीक्षितः ।
स स्त्रातः सर्वतीर्थेषु यस्येदं कवचं गले ॥
यस्मै कस्मै न दातव्यं लोभमोहभयैरपि ।
गुरुभक्ताय शिष्याय शरणाय प्रकाशयेत् ॥
इदं कवचमज्ञात्वा जपेलक्ष्मी जगत्प्रसूम् ।
कोटिसंख्यं प्रजमोऽपि न मन्त्रः सिद्धिदायकः ।
इति श्रीब्रह्मवैवर्ते महालक्ष्मीकवचं सम्पूर्णम् ।
0 टिप्पणियाँ